2026 წლის მონაცემებით WNBA-ის გუნდების ღირებულება გაიზარდა
ქალთა ეროვნული საკალათბურთო ლიგა WNBA თავის 30-ე სეზონს განახლებული კოლექტიური ხელშეკრულებით (CBA) იწყებს, რომელიც მრავალთვიანი მოლაპარაკებების შემდეგ დამტკიცდა. ის მოიცავს ახალ სატელევიზიო შეთანხმებებს, რომლებიც 2026 წლიდან ამოქმედდება და ლიგისთვის მნიშვნელოვნად მეტ შემოსავალს მოიტანს, ვიდრე წინა კონტრაქტები.
ეს არის იმ ეკონომიკური წარმატებების ნაწილი, რომელიც ლიგის ბოლო სამი წლის განმავლობაში სწრაფმა ზრდამ მოიტანა.
WNBA-ს გუნდის საშუალო ღირებულება $427 მილიონს შეადგენს — ეს შეფასება ეფუძნება ბოლო თვეში ჩატარებულ საუბრებს 30-ზე მეტ პირთან, მათ შორის ბანკირებთან, ინვესტორებთან, იურისტებთან, კლუბების მენეჯერებთან და მფლობელებთან. ეს მაჩვენებელი 59%-ით მეტია გასულ წელთან შედარებით და 345%-ით 2024 წელთან შედარებით. ასევე, ეს 132%-ით აღემატება NWSL-ის საშუალო ღირებულებას ($184 მილიონი).
ლიგა აგრძელებს მოძრაობას მილიარდიან ფრენჩაიზამდე. პირველ ადგილზე უკვე მეორე წელია Golden State Valkyries ($850 მილიონი), შემდეგ მოდიან New York Liberty ($600 მილიონი), Indiana Fever ($560 მილიონი) და Seattle Storm ($425 მილიონი).
2025 წელს მონაწილე 13 გუნდის საერთო ღირებულება $5.55 მილიარდს აღწევს, რაც მოიცავს უძრავ ქონებასა და სხვა აქტივებს, მაგალითად სავარჯიშო ინფრასტრუქტურას.
ახალი შეთანხმება მნიშვნელოვნად ზრდის ხელფასების ჭერს 2025 წლის $1.5 მილიონიდან $7 მილიონამდე. მიუხედავად ამისა, გასულ წელს რამდენიმე გუნდი უკვე მოგებაზე მუშაობდა, ხოლო წელს კიდევ უფრო მეტი კლუბი ელოდება მოგებას გაზრდილი შემოსავლების ფონზე.
ასევე, სეზონის მატჩების რაოდენობა შესაძლოა 44-დან 52-მდე გაიზარდოს. ახალი შემოსავლის წყაროა საერთაშორისო სპონსორობის პროგრამაც, რომელიც გუნდებს ჩრდილოეთ ამერიკის ფარგლებს გარეთ პარტნიორების დამატების საშუალებას აძლევს.
2025 წელს 13 გუნდმა დაახლოებით 410 მილიონი დოლარის შემოსავალი გამოიმუშავა. თითოეულმა გუნდმა ლიგისგან 3 მილიონ დოლარზე მეტი მიიღო ეროვნული მედიისა და სპონსორობის შემოსავლების წილიდან, და ეს თანხა 2026 წლიდან მინიმუმ გაორმაგდება.