41 მოვაჭრე დაჯარიმდა - როგორია მომხმარებელთა უფლებების დარღვევის სტატისტიკა?

კონკურენციისა და მომხმარებლის დაცვის სააგენტომ (GCCA) წელს მომხმარებელთა უფლებების დარღვევისთვის ბიზნესი 60 176 ლარით დააჯარიმა. ამის შესახებ სტატისტიკიდან ირკვევა, რომელიც სააგენტომ მომხმარებლის უფლებების დაცვის მიმართულებით გამოაქვეყნა.

იანვარ-აპრილში, GCCA-ის გადაწყვეტილებით:

• მომხმარებელთა ჯგუფის უფლების 98 დარღვევის ფაქტი დადასტურდა - 246 საქმეზე. • GCCA-ის მიერ დაკისრებული ვალდებულების შეუსრულებლობის გამო 41 მოვაჭრეს - 61 საქმეზე დაეკისრა ჯარიმა, ჯამში - 60 176 ლარის ოდენობით. • მომხმარებლის სასარგებლოდ, პირობითი ვალდებულების აღების შესახებ 80 საქმეზე - 68 შეთანხმება გაფორმდა, რაც ნიშნავს, რომ მოვაჭრეებმა აიღეს ვალდებულებები - საქმიანობის შიდა პოლიტიკა შეცვალონ და იმ მომხმარებელთა უფლებები აღადგინონ, რომელთაც, სავარაუდოდ, წარსულში არსებული სავაჭრო პოლიტიკის შედეგად ზიანი მიადგათ.

2026 წლის 4 თვეში, სააგენტოში მომხმარებლების 835 განაცხადი დაფიქსირდა, ხოლო ზარების რაოდენობამ 2553 შეადგინა. განცხადებების რაოდენობა, გასული წლის ანალოგიურ პერიოდთან შედარებით, 110%-ით არის გაზრდილი.