ახალი ტელეფონი და მშობლებისგან საჩუქრად მიღებული თანხა - რა ქონებას ფლობს თეა ახვლედიანი?

შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა 2025 წლის დეკლარაცია შეავსო.

დოკუმენტის მიხედვით, მაღალჩინოსანმა გასულ წელს 119 136 ლარის ხელფასი აიღო.

მინისტრი დეკლარაციაში უთითებს, რომ 2025 წელს მან მშობლებისგან საჩუქრად 5 000 ევრო, 1 000 დოლარი და 4 000 ლარი მიიღო.

ამასთან, თეა ახვლედიანმა 3 939 ლარად ტელეფონი იყიდა.

მის სახელზე რეგისტრირებულია 2016 წელს 40 000 დოლარად შეძენილი 60.7 კვ.მ.-ის ბინა თბილისში გოგებაშვილის ქუჩაზე.

სხვა შემოსავლებს ან ხარჯებს სახელმწიფო მინისტრი დეკლარაციაში არ უთითებს.