Amazon-ი $25 მილიარდის ობლიგაციების გამოშვებას გეგმავს
ამერიკული ტექნოლოგიური კომპანია, Amazon-ი $25 მილიარდის აშშ დოლარში დენომინირებული ობლიგაციების გამოშვებას გეგმავს. არსებული ინფორმაციით, კომპანია ამ ნაბიჯს ხელოვნური ინტელექტის მიმართულებით გაზრდილი ინვესტიციების დასაფინანსებლად გადადგამს. ჯეფ ბეზოსის ფირმის წარმომადგენლის განცხადებით, მიღებული ფინანსები სამომავლო კაპიტალურ ხარჯებსა და მოახლოებული ფინანსური ვალდებულებების რეფინანსირებას მოხმარდება.
ემისია რვა ტრანშად განაწილებულ ფიქსირებული და მცოცავი განაკვეთის მქონე ობლიგაციებს მოიცავს. გამოშვებული ფასიანი ქაღალდების დაფარვის ვადები კი 2029 წლიდან 2066 წლამდე პერიოდით განისაზღვრა.
აღსანიშნავია, რომ კაპიტალის მოსაზიდად სესხებისა და აქციების გამოშვების გამოყენება სილიკონის ველის გიგანტებისთვის ახალი ტენდენციის ნაწილია. წარსულში მსგავსი მსხვილი ტექნოლოგიური კომპანიები საკუთარი პროექტების დასაფინანსებლად ძირითადად ფულად რეზერვებს იყენებდნენ.
მიმდინარე წელს კი Amazon-მა, Alphabet-მა და Microsoft-მა მიდგომები შეცვალეს. როგორც ანალიტიკოსების აღნიშნავენ, ტექ-გიგანტების მხრიდან მსგავსი გადაწყვეტილებების გახშირება ინვესტორთა მხრიდან ფასიანი ქაღალდების მიმართ მაღალ ინტერესზე მიუთითებს.
BM.GE
წყარო: bm.ge