Amazon-მა ბოლო წლებში 57 000 თანამშრომელი გაათავისუფლა

სამუშაო ადგილების მასშტაბური ოპტიმიზაციის ფარგლებში, ტექნოლოგიურმა გიგანტმა Amazon-მა 2022 წლიდან დღემდე 57 000-ზე მეტი თანამშრომელი დაითხოვა. კომპანიის მონაცემებით, ეს მაჩვენებელი მისი კორპორაციული პერსონალის საერთო რაოდენობის დაახლოებით 16%-ს შეადგენს.

როგორც ირკვევა, შემცირების ყველაზე დიდი ტალღა 2025 წლის ბოლოსა და 2026 წლის დასაწყისში დაფიქსირდა, როდესაც სამსახური, შესაბამისად, 14 000-მა და 16 000-მა თანამშრომელმა დაკარგა.

არსებული ინფორმაციით, კადრების შემცირება შეეხო AWS-ის ღრუბლოვან პლატფორმას, Prime Video-ს, საცალო ვაჭრობის მიმართულებასა და ადამიანური რესურსების მართვის დეპარტამენტს, თუმცა პარალელურად, რამდენიმე სტრატეგიულ სექტორში ახალი თანამშრომლების მიღება მაინც გაგრძელდა.

მენეჯმენტის განმარტებით, აღნიშნული სტრუქტურული ცვლილებები ბიუროკრატიის აღმოფხვრასა და პანდემიის შემდგომი ჭარბი დასაქმების ფონზე კომპანიის ეფექტიანობის გაზრდას ისახავს მიზნად.

ანალიტიკოსების შეფასებით, მიმდინარე ოპტიმიზაცია Amazon-ს ყოველწლიურად დაახლოებით $6 მილიარდის დაზოგვის შესაძლებლობას მისცემს, რაც შემდგომში მონაცემთა ცენტრების განვითარებასა და ახალი AI-პროცესორების შეძენას მოხმარდება.