Amazon-მა საფრანგეთში €15 მილიარდის ინვესტირება გადაწყვიტა

ამერიკულმა ტექნოლოგიურმა გიგანტმა, Amazon-მა საფრანგეთის ეკონომიკაში €15 მილიარდზე მეტი ღირებულების ინვესტიციის დაბანდების გეგმა წარადგინა. აღნიშნული კაპიტალი ლოგისტიკური ინფრასტრუქტურის განვითარებას, Cloud-გამოთვლებსა და ხელოვნური ინტელექტის მიმართულებას მოხმარდება.

სტრატეგიული გაფართოების ფარგლებში, Amazon-ი ქვეყნის მასშტაბით ოთხი ახალი სადისტრიბუციო ცენტრის გახსნას და არსებული ქსელის მოდერნიზებას გეგმავს. პირველი სამი ობიექტი ილიე-კომბრეში, ბოვესა და კოლომბიე-სონიეში მუშაობას 2026 წლიდან დაიწყებს, ხოლო მეოთხე ცენტრი, რომელიც ენსისჰაიმში განთავსდება, ექსპლუატაციაში 2027 წლის ბოლოს შევა. კომპანიის გათვლებით, პროექტის ფარგლებში 7,000-ზე მეტი მუდმივი სამუშაო ადგილი შეიქმნება.

Amazon France-ის ხელმძღვანელის, ჟან-ბატისტ თომასის განცხადებით, ინვესტიცია ფრანგული ბიზნესის განვითარებასა და მიწოდების სერვისის გაუმჯობესებას ისახავს მიზნად.

აღნიშნული სიახლის გავრცელების ფონზე, Amazon-ის საბაზრო შეფასება რეკორდულ $3 ტრილიონს აღწევს.