აპრილში საქართველოს დერეფნით 43 509 ტრაილერმა ისარგებლა|რამდენი შევიდა ბიუჯეტში?
ახლო აღმოსავლეთის კონფლიქტის ფონზე, საქართველოს დერეფანში საერთაშორისო ტრაილერების რაოდენობა გაზრდილია. გასულ თვეში საქართველოს გზებით 43 509 ტრაილერმა ისარგებლა, რაც 2025 წლის აპრილის მაჩვენებელზე 2535-ით მეტია.
საერთაშორისო სატვირთო ავტომობილების გატარებით ბიუჯეტში 1 თვეში 15 228 181 ლარი შევიდა, 2025 წლის აპრილში კი ამ კუთხით ბიუჯეტში 14 340 902 ლარი იყო შესული.
აპრილში, საავტომობილო გადაზიდვების ზრდა აისახა 4 თვის შედეგებზეც. სახელმწიფო ხაზინის მონაცემებით, იანვარ-აპრილში ბიუჯეტში გზათსარგებლობიდან 53.918 მლნ ლარის მობილიზება დაფიქსირდა. წლიურად ზრდა 0.9%-ია.
იმის გათვალისწინებით, რომ თითოეული ტრაილერი გზებით სარგებლობისთვის 350 ლარს იხდის, მონაცემები აჩვენებს, რომ 4 თვეში საქართველომ 154 052 საერთაშორისო ტრაილერი გაატარა.
BM.GE
წყარო: bm.ge