აპრილში საქართველოს ექსპორტი 16%-ით, $716 მილიონ დოლარამდე გაიზარდა
BM.GE|bm.ge
საქსტატმა 2026 წლის აპრილის ექსპორტის წინასწარი მაჩვენებლები გამოაქვეყნა, რომელთა მიხედვითაც აპრილში საქართველოდან უცხოეთში 716 მილიონი დოლარის ღირებულების საქონლის ექსპორტი განხორციელდა, რაც წინა წლის ანალოგიურ პერიოდთან შედარებით 99.4 მილიონი დოლარით, ანუ 16%-ით მეტია.
ამასთან, 3%-ით, ანუ 44 მილიონი დოლარით შემცირდა იმპორტი და მან გასულ თვეში 1.48 მილიარდი დოლარი შეადგინა.
ჯამურად, 2026 წლის 4 თვეში საქართველოს ექსპორტი იყო 2.4 მილიარდი დოლარი, რაც წლიურად 21%-ით არის გაზრდილი, ხოლო იმპორტი 5%-ით, 5.7 მილიარდ დოლარამდე შემცირდა.
საქსტატი საგარეო ვაჭრობის დეტალურ მონაცემებს გამოაქვეყნებს 19 მაისს, შესაბამისად ცნობილი გახდება თუ რა საქონლის ექსპორტი გაიზარდა გასულ თვეში და რა განაპირობებს იმპორტის კლებას.
გაზიარება:
BM.GE
წყარო: bm.ge