არაბთა გაერთიანებულ საამიროებში ავიამიმოსვლაზე შეზღუდვები მოიხსნა - Reuters

Reuters-ის ინფორმაციით, არაბთა გაერთიანებულ საამიროებში საჰაერო მიმოსვლა ჩვეულ რეჟიმს დაუბრუნდა. გამოცემა წერს, რომ ხელისუფლებამ 28 თებერვალს, ირანთან კონფლიქტის დაწყებისას, დაწესებული სიფრთხილის ზომები მოხსნა.

საავიაციო მარეგულირებლის განცხადებით, გადაწყვეტილება მიღებულია უსაფრთხოებისა და ოპერაციული მდგომარეობის შეფასების საფუძველზე, შესაბამის უწყებებთან კოორდინაციით. აღნიშნული შეზღუდვები თავდაპირველად ირანთან დაკავშირებული სამხედრო ესკალაციის ფონზე იყო დაწესებული.

ამჟამად, ქვეყნის საჰაერო სივრცე სრულად გახსნილია და ავიარეისები ჩვეულ რეჟიმში ხორციელდება.

შეგახსენებთ, რომ არაბთა გაერთიანებულმა საამიროებმა საჰაერო მიმოსვლაზე შეზღუდვები მას შემდეგ დააწესა, რაც ირანმა ქვეყნის მიმართულებით ასობით რაკეტა და დრონი გაუშვა. ირანის მხრიდან თავდასხმა, თებერვლის ბოლოს, ირანულ სამიზნეებზე აშშ-სა და ისრაელის თავდასხმების საპასუხო ზომები იყო.