აშშ-მა და ჩინეთმა სასურსათო პროდუქციის ვაჭრობაზე შეთანხმებას მიაღწიეს
აშშ-ის სავაჭრო წარმომადგენელმა, ჯემისონ გრირმა განაცხადა, რომ ვაშინგტონმა და პეკინმა არასენსიტიური საქონლის გარკვეულ კატეგორიებზე შეღავათიანი პირობებით ვაჭრობის შესახებ შეთანხმებას მიაღწიეს.
დონალდ ტრამპის ადმინისტრაცია ბოლო დღეებში გამართული მოლაპარაკებების დეტალებს ოფიციალურად ორშაბათს გამოაქვეყნებს, თუმცა უკვე ცნობილია, რომ შეთანხმება შეეხება ამერიკულ სასოფლო-სამეურნეო პროდუქციას, სამედიცინო აპარატურასა და ჩინურ სამომხმარებლო საქონელს. ორმხრივი გადაწყვეტილებით ეს სექტორები სამომავლო ტარიფებისა და სავაჭრო დავებისგან სრულად გათავისუფლდებიან. ახალი პირობების ამოქმედების ზუსტი თარიღი და ტარიფების ცვლილების მასშტაბი ვაშინგტონს ჯერ ცნობილი არ არის.
CNBC-ის ეთერში საუბრისას ჯემისონ გრირმა ხაზგასმით აღნიშნა, რომ მოლაპარაკებები ექსკლუზიურად სუფთა სავაჭრო საკითხებზე მიმდინარეობს. ამერიკელი მაღალჩინოსნის განმარტებით, მხარეებმა დღის წესრიგიდან მაღალ ტექნოლოგიებთან დაკავშირებული საექსპორტო შეზღუდვები და ეროვნული უსაფრთხოების თემები სრულად ამოიღეს.
შეგახსენებთ, მაისში პეკინში გამართული შეხვედრის შემდეგ დონალდ ტრამპმა და სი ძინპინმა სპეციალური სავაჭრო საბჭოს შექმნა დააანონსეს. ეს მექანიზმი სწორედ ორ მეტოქე სახელმწიფოს შორის არაპრობლემური პროდუქციით ვაჭრობის დარეგულირებას ემსახურებოდა.
BM.GE
წყარო: bm.ge