აშშ-მა ტაივანისთვის $14 მილიარდის იარაღის მიწოდება შეაჩერა
აშშ-ის სამხედრო უწყებამ ტაივანისთვის $14 მილიარდის ღირებულების თანამედროვე შეიარაღების მიწოდების პროცესი დროებით შეაჩერა. ოფიციალური ინფორმაციით, ეს ნაბიჯი მიზნად ირანთან მიმდინარე კონფლიქტის ფონზე საკუთარი საბრძოლო მასალების დეფიციტის რისკებისაგან დაცვას და მარაგების დაზოგვას ისახავს.
საყურადღებოა, რომ ანალიტიკოსები ამ ნაბიჯის სხვა შესაძლო მიზეზებზე საუბრობენ. როგორც ირკვევა, ტაივანისთვის შეიარაღების გადაცემის საკითხი პრეზიდენტ დონალდ ტრამპისა და ჩინეთის ლიდერ სი ძინპინის პეკინში გამართული ოფიციალური შეხვედრის მთავარი თემა იყო. ჩინეთის პრეზიდენტმა ამერიკელი კოლეგა მკაცრად გააფრთხილა, რომ ტაივანის საკითხი ორმხრივ ურთიერთობებში ყველაზე მგრძნობიარე საკითხადაა ქცეული და რომ თუ შტატები პოზიციას არ შეცვლის, დიდი დაპირისპირება გარდაუვალი იქნება.
საყურადღებოა, რომ ამ საუბრის შემდეგ თეთრი სახლის ლიდერმა მრავალმილიარდიანი პაკეტის საბოლოო დამტკიცების თემაზე გადაწყვეტილების მიღება გადაავადა. ექსპერტების შეფასებით, ტრამპის ადმინისტრაციამ ეს ჩინეთთან მასშტაბური გარიგების დადების პროცესში სპეციალურ ბერკეტად შეიძლება გამოიყენოს.
რაც შეეხება თავად ტაივანის პოზიციას, ტაიბეის შეიარაღების მიწოდების დროებითი შეჩერების შესახებ ოფიციალური შეტყობინება ვაშინგტონისგან ჯერ არ მიუღია. ტაივანის პრემიერ-მინისტრმა ჩო იუნგ-ტაიმ ჟურნალისტებთან საუბრისას განაცხადა, რომ ქვეყანა თავდაცვითი შესყიდვების განხორციელებას მომავალში მაინც გააგრძელებს.
BM.GE
წყარო: bm.ge