AUTO IMPORT GEORGIA — Guazi.com-ს ექსკლუზიური პარტნიორი საქართველოში | ჩინეთიდან ავტომობილების იმპორტი ახალ ეტაპზე გადადის
კომპანია AUTO IMPORT GEORGIA საქართველოში ჩინეთის ერთ-ერთი უმსხვილესი საავტომობილო პლატფორმის, www.guazi.com -ს ოფიციალური წარმომდგენელი გახდა.
ეს პარტნიორობა ქართველ მომხმარებელს ჩინეთის უზარმაზარ ავტობაზარზე პირდაპირი წვდომის საშუალებას აძლევს, როგორც ახალ, ისე მეორად ავტომობილებზე.
ბოლო წლებში საქართველოში ჩინეთიდან ავტომობილების შეძენის მიმართ ინტერესი საგრძნობლად გაიზარდა. რასაც ჩინური ავტოინდუსტრიის სწრაფი ზრდა განაპირობებს.
"ავტო იმპორტ ჯორჯია" ჩინეთის მიმართულებით უკვე ოთხ წელზე მეტია წარმატებით მუშაობს. სწორედ ამ გამოცდილებამ და გამართულმა ოპერაციულმა პროცესებმა მოგვცა შესაძლებლობა, მომხმარებლისთვის ჩინეთიდან მანქანის ჩამოყვანა მაქსიმალურად უსაფრთხო, გამჭვირვალე და კომფორტული გაგვეხადა."- ამბობს ოთო ბრეგაძე, AUTO IMPORT GEORGIA-ს აღმასრულებელი დირექტორი
კომპანიაში ამბობენ, რომ მომხმარებლები აქტიურად ინტერესდებიან როგორც ახალი, ისე მეორადი ჩინური მანქანებით, განსაკუთრებით ელექტრო და ჰიბრიდული მოდელებით. ოთო ბრეგაძის თქმით, მოთხოვნა განსაკუთრებით ისეთ ბრენდებზე გაიზარდა, როგორიცაა BYD, Changan, Zeekr, Leopard. ჩინეთის ბაზარი არა მხოლოდ ჩინური ავტომობილებით დაინტერესებული მყიდველებისთვის არის საინეტრესო, ჩინეთში იწარმოება ისეთი ბრენდები, როგორიცაა Mercedes-Benz, BMW, Toyota, Audi და ა.შ.
"ჩვენი მრავალწლიანი გამოცდილება კორეის, ამერიკის, იაპონიისა და ევროპის ბაზრებზე დაგვეხმარა, რომ ჩინეთის მიმართულებით შეგვექმნა სრულყოფილი ლოგისტიკური სისტემა. შედეგად, ჩინეთიდან ავტომობილების ტრანსპორტირება დღეს ბევრად უფრო მარტივი, სწრაფი და სანდო პროცესია. "- ამბობს ოთო ბრეგაძე.
რას იღებს მომხმარებელი?
✔ ჩინეთის ავტობაზარზე სრულ წვდომას;✔ შეძენამდე ავტომობილის დეტალურ შემოწმებას ჩინეთში;✔ სრულად დაზღვეულ სახმელეთო და საზღვაო ტრანსპორტირებას;✔ ავტო ექსპერტების მხარდაჭერას შერჩევისა და შეძენის პროცესში;✔ გადახდის მოქნილ პირობებს.