აზერბაიჯანის გავლით სომხეთში 45,000 ტონა ტვირთი გადაიზიდა

აზერბაიჯანის ტერიტორიის გავლით სომხეთში 45 000 ტონა ტვირთი გადაიზიდა. მნიშვნელოვანია აღინიშნოს, რომ ეს მოცულობა რუსეთიდან, ყაზახეთიდან და თავად აზერბაიჯანიდან იმპორტირებულ საქონელს მოიცავს.

South Caucasus Railway-ს გენერალური დირექტორის პირველმა მოადგილემ, ოლეგ შატალოვმა განაცხადა, რომ მარშრუტი მიმზიდველი ამოქმედებიდან მალევე გახდა და კომპანია სულ უფრო მეტ შეკვეთას იღებს.

მნიშვნელოვანია ითქვას, რომ სომხეთი და აზერბაიჯანი სატრანსპორტო მოცულობების დაახლოებით 100,000 ტონამდე გაზრდას გეგმავენ. შატალოვმა სომხეთის მრეწველთა და მეწარმეთა კავშირის საბჭოს სხდომაზე იმედი გამოთქვა, რომ მომავალში აღნიშნული გზით კიდევ უფრო მეტი კომპანია ისარგებლებს.

შეგახსენებთ, რომ პირველი სატესტო გადაზიდვები გასული წლის ნოემბერში განხორციელდა, როდესაც ქვეყანაში რუსული მარცვლეულით დატვირთული ვაგონები შევიდა.