ბათუმის ნავთობტერმინალმა 2017 წლის შემდეგ გადატვირთვის სარეკორდო მაჩვენებელს მიაღწია
„ბათუმის ნავთობის ტერმინალმა 2017 წლის შემდეგ გადატვირთვის სარეკორდო მაჩვენებელზე აცხადებს. "ყაზტრანსოილის" მონაცემებით, 2026 წლის აგვისტოში ნავთობტერმინალმა 293 ათასი ტონა ნავთობის, ნავთობპროდუქტებისა და გაზის გადატვირთვა განახორციელა. ეს მაჩვენებელი 2017 წლის შემდეგ თვიური გადატვირთვის მაქსიმალური მოცულობაა.
“რეკორდულ მაჩვენებლებს ხელი შეუწყო ტვირთნაკადის ზრდამ, ასევე 2026 წელს ნედლი ნავთობისა და საავიაციო ნავთის გადატვირთვის აღდგენამ. ამასთან, მაზუთის გადატვირთვის მოცულობა ეტაპობრივად მცირდება”, - აცხადებს კომპანია.
საერთო ჯამში, 2026 წლის იანვარ-აგვისტოში ბათუმის ნავთობის ტერმინალმა 1 მილიონ 251 ათასი ტონა ნავთობი, ნავთობპროდუქტი და გაზი გადატვირთა, რაც 37 ათასი ტონით (3%-ით) მეტია 2025 წლის იმავე პერიოდის მაჩვენებელზე.
„ყაზტრანსოილი“ აცხადებს, რომ მათი მხარდაჭერით, ბათუმის ნავთობის ტერმინალი საწარმოო სიმძლავრეების გაზრდას აგრძელებს.
BM.GE
წყარო: bm.ge