ბელარუსი ხელოვნურ ინტელექტს 1960-იანი წლებიდან ავითარებს – ლუკაშენკო

მეხუთე ევრაზიული ეკონომიკური ფორუმის მსვლელობისას ბელარუსის ლიდერმა, ალექსანდრ ლუკაშენკომ განაცხადა, რომ ქვეყანა ხელოვნური ინტელექტის შესწავლითა და განვითარებით გასული საუკუნის 60-იანი წლებიდან არის დაკავებული.

როგორც ირკვევა, ლიდერმა აღნიშნული ტენდენცია მინსკში ტექნიკური კიბერნეტიკის ინსტიტუტის დაარსების პერიოდს დაუკავშირა და ხაზი გაუსვა, რომ ბელარუსმა საკუთარი ინტელექტუალური სკოლა ათწლეულების განმავლობაში ჩამოაყალიბა. მისივე მტკიცებით, ქვეყანამ ეს პოტენციალი საბჭოთა კავშირის დაშლის ეტაპზეც შეინარჩუნა, ხოლო დამოუკიდებელ სახელმწიფოთა თანამეგობრობის სივრცეში პირველი IT-პარკები სწორედ მისი ინიციატივით შეიქმნა.

ამასთან, ლუკაშენკომ აღნიშნა, რომ AI-ის განვითარებას ქვეყნები მაქსიმალური სიფრთხილით უნდა მიუდგნენ, რადგან ეს "საშიში" ტექნოლოგიაა და სწორედ ამიტომ ბელარუსი AI-მოდელების საჯაროდ წარდგენას არ ჩქარობს.