BlackRock-მა გადაწყვიტა SpaceX-ში $10 მილიარდი დააბანდოს

SpaceX-ის IPO-ს მოახლოების პარალელურად, ამერიკული საინვესტიციო გიგანტი BlackRock-ი ილონ მასკის კოსმოსურ კომპანიაში $10 მილიარდის დაბანდებას გეგმავს.

როგორც ირკვევა, საუბარია $5 მილიარდიდან $10 მილიარდამდე მოცულობის ფინანსურ მონაწილეობაზე, რაც ბაზრისთვის ერთ-ერთი ყველაზე მასშტაბური გარიგება იქნება.

მნიშვნელოვანია ითქვას, რომ აღნიშნული საინვესტიციო გეგმა ჯერ კიდევ განხილვის სტადიაშია და საბოლოო გადაწყვეტილება მხარეებს შორის მოლაპარაკებების შედეგებზე იქნება დამოკიდებული.

შეგახსენებთ, რომ SpaceX-ი, რომელიც ორბიტალური ხომალდებისა და თანამგზავრული ინტერნეტის სისტემების შექმნითაა დაკავებული, ბოლო წლებში მსოფლიოში ყველაზე ძვირად ღირებულ კერძო კომპანიად იქცა.

ცნობისთვის, საჯარო ბაზარზე გასვლას SpaceX მიმდინარე წლის ზაფხულში გეგმავს, ილონ მასკის კომპანიის IPO, როგორც მოსალოდნელი იყო, Nasdaq-ის საფონდო ბირჟაზე შედგება.