BP-ის დირექტორთა საბჭოს თავმჯდომარე თანამდებობიდან გადააყენეს
ბრიტანულმა ენერგეტიკულმა კონგლომერატმა, BP-მ დირექტორთა საბჭოს თავმჯდომარე ალბერტ მანიფოლდი თანამდებობიდან გაათავისუფლა. კომპანიის განცხადებით, აღნიშნული გადაწყვეტილების მიზეზი მართვის სტანდარტების დარღვევა და არაჯეროვანი ქცევა გახდა.
მნიშვნელოვანია ითქვას, რომ მანიფოლდი ამ პოზიციაზე გასული წლის ოქტომბერში, კომპანიის ახალი სტრატეგიული ტრანსფორმაციის ხელმძღვანელობის მიზნით დაინიშნა, თუმცა ამ კვირას მისი გათავისუფლების გადაწყვეტილება დირექტორთა საბჭომ ერთხმად მიიღო. საყურადღებოა, რომ BP-ის ოფიციალურმა წარმომადგენელმა მომხდარის შესახებ დამატებითი დეტალების გასაჯაროებაზე უარი თქვა.
ამ სკანდალთან ერთად, ბოლო წლებში კომპანია მენეჯმენტის კრიზისსა და ხშირ საკადრო ცვლილებებს ებრძვის. შეგახსენებთ, რომ სამი წლის წინ გენერალური დირექტორი ბერნარდ ლუნი დირექტორთა საბჭოსთვის პირადი ურთიერთობების შესახებ მიწოდებული ცრუ ინფორმაციის გამო გაათავისუფლეს, მისი მემკვიდრე მურეი აუხინკლოსი კი თანამდებობიდან მოულოდნელად გასულ დეკემბერში გადადგა.
BM.GE
წყარო: bm.ge