ჭიათურაში, კვების ობიექტ "სამიკიტნოს" წარმოება შეუჩერდა - რა დარღვევები გამოავლინა სეს-მა?
BM.GE|bm.ge
სურსათის ეროვნულმა სააგენტომ ჭიათურაში, სოფელ კალაურში მდებარე კვების ობიექტ „სამიკიტნოს“ საწარმოო პროცესი შეუჩერა.
უწყების ცნობით, გეგმური შემოწმების შედეგად ობიექტზე არაერთი კრიტიკული შეუსაბამობა დაფიქსირდა:
• გამწოვი სისტემის გაუმართაობა; • არასათანადო რეცხვა-დეზინფექცია; • ვეტერინარული ზედამხედველობის გარეშე ცხოველის დაკვლა მიმდებარე ტერიტორიაზე.
"გამოვლენილი დარღვევების გამო, ბიზნესოპერატორი დაჯარიმდა და საწარმოო პროცესი შეუჩერდა", - წერს სააგენტო.
უწყება მოუწოდებს ბიზნესოპერატორებს, საქმიანობა კანონმდებლობის და სურსათის უვნებლობის დადგენილი მოთხოვნების დაცვით განახორციელონ.
გაზიარება:
BM.GE
წყარო: bm.ge