CleanSpark Mining-მა წინა კვარტალში $378 მილიონის ზარალი მიიღო

ბიტკოინის მაინინგით დაკავებულმა კომპანია CleanSpark-მა 2026 გასული ფისკალური კვარტალის ფინანსური შედეგები გამოაქვეყნა. საანგარიშო პერიოდში კომპანიის შემოსავალმა $136 მილიონი შეადგინა, რაც გასული წლის ანალოგიურ პერიოდთან შედარებით 25%-ით ნაკლებია.

არსებული ინფორმაციით, წმინდა ზარალმა $378 მილიონი შეადგინა, მაშინ როდესაც გასულ წელს ეს მაჩვენებელი $45.3 მილიონს უტოლდებოდა. რაც შეეხება შემოსავალს თითო აქციაზე (EPS), კომპანიამ $1.52-იანი ზარალი დააფიქსირა, რაც ანალიტიკოსების მიერ პროგნოზირებულ ზარალს მნიშვნელოვნად აღემატება.

ფინანსური მაჩვენებლების გაუარესება დიდწილად ბიტკოინის ღირებულების ცვლილებით გამოწვეულმა არაფულადმა ზარალმა განაპირობა. პარალელურად, საოპერაციო ხარჯებმა $82 მილიონი შეადგინა, ხოლო ცვეთისა და ამორტიზაციის მაჩვენებელი $116 მილიონამდე გაიზარდა.

როგორც ირკვევა, საოპერაციო თვალსაზრისით კომპანიამ ზრდა აჩვენა – ჰეშრეითის საშუალო თვიური მაჩვენებელი წლიურად 18%-ით გაიზარდა. ამასთან, კონტრაქტით გათვალისწინებული სიმძლავრეები გაორმაგდა.

ამჟამად CleanSpark-ი აშშ-ის მასშტაბით 1.8 გიგავატზე მეტ სიმძლავრეს, მიწის ნაკვეთებსა და მონაცემთა დამუშავების ცენტრებს აკონტროლებს. კომპანიაში განმარტავენ, რომ დაბალი თვითღირებულების ენერგია საფუძველია როგორც ბიტკოინის მაინინგისთვის, ისე პოტენციური AI- დატვირთვებისთვის.