დრონების საფრთხის გამო, ლიეტუვაში განგაში გამოცხადდა და აეროპორტი დაიხურა
ლიეტუვამ ოთხშაბათს, 20 მაისს ქვეყნის საჰაერო სივრცეში დრონების შეჭრის საფრთხის გამო "საჰაერო განგაში" გამოაცხადა, მოსახლეობას თავშესაფრებში გადასვლისკენ მოუწოდა და დედაქალაქის აეროპორტში მოძრაობა შეაჩერა.
"დაუყოვნებლივ გადადით უსაფრთხო ადგილას, იზრუნეთ თქვენს ახლობლებზე და დაელოდეთ ახალ რეკომენდაციებს", - ნათქვამია ლიეტუვის არმიის მიერ დედაქალაქის მცხოვრებთათვის გაგზავნილ შეტყობინებაში. ჯერჯერობით უცნობია, რა მასშტაბით გავრცელდა აღნიშნული გაფრთხილება.
Reuters-ის ინფორმაციით, განგაში გამოცხადდა ვილნიუსში, პარლამენტის შენობაშიც.
"საჰაერო თავდასხმის საფრთხის გამო, ვთხოვთ შენობაში მყოფ ყველა პირს, უახლოეს თავშესაფარში გადაინაცვლოს", - გამოცხადდა პარლამენტის შიდა რადიოქსელით.
მანამდე ლიეტუვის კრიზისების მართვის ეროვნულმა ცენტრმა განაცხადა, რომ განგაში მეზობელ ბელარუსში დაფიქსირებულ დრონს უკავშირდებოდა, რომელიც ლიეტუვის მიმართულებით მოფრინავდა. ცენტრის ცნობით, დრონის წარმომავლობა ჯერ დაუდგენელია.
ეს ინციდენტი რეგიონში საჰაერო სივრცის დარღვევის სერიის გაგრძელებაა, რაც მეზობელ რუსეთზე უკრაინის ხშირი თავდასხმების ფონზე ხდება. მანამდე, 19 მაისს, ნატოს გამანადგურებელმა ესტონეთის თავზე საეჭვო უკრაინული დრონი ჩამოაგდო.
BM.GE
წყარო: bm.ge