ეკონომიკური კალენდარი – რას უნდა ველოდოთ მომავალ კვირას?

მომავალ კვირას ინვესტორთა ყურადღების ცენტრში მსხვილი კომპანიები იქნებიან. მათ შორის, წინა კვარტლის ფინანსურ მაჩვენებლებს შემდეგი კომპანიები გაგვაცნობენ: McDonald’s, Shell, Arm, Novo Nordisk, Walt Disney, Uber, AMD, HSBC, Shopify, Pfizer, Palantir, Vertex, Williams, CVS, Marriott და Airbnb.

ტრადიციულად, მომდევნო დღეების მთავარი მოვლენა აშშ-ისრაელი-ირანის სამშვიდობო მოლაპარაკების პროცესი იქნება, მისი წარმატებით დასრულების შემთხვევაში, გლობალურ საფონდო ბირჟებზე მკვეთრი აღმასვლა იქნება მოსალოდნელი, მაგრამ თუ მოლაპარაკება ჩიხში შევიდა და ომი გაგრძელდა, ეს ინვესტორების განწყობაზე განსაკუთრებით ნეგატიურად აისახება.

გარდა ამისა, მომავალი კვირა განსაკუთრებით დატვირთული იქნება ჩინეთისთვის, რადგან ქვეყნის სტატისტიკის სამსახურმა უახლესი მონაცემები უნდა წარმოადგინოს სავაჭრო ბალანსთან, იმპორტთან, ექსპორტთან, ინფლაციასთან და უძრავი ქონების სექტორთან დაკავშირებით.

რაც შეეხება საქართველოს, სტატისტიკის ეროვნული სამსახური შემდეგ მონაცემებს გაასაჯაროებს:

• სამომხმარებლო ფასების ინდექსი (2026 წლის აპრილი) • მშენებლობის ღირებულების ინდექსი (2026 წლის მარტი) • გამყვანი ტურიზმის სტატისტიკა (2026 წლის I კვარტალი) • სამუშაო ძალის მაჩვენებლები (დასაქმება და უმუშევრობა), (2025 წელი) • საგარეო ვაჭრობის ექსპრეს-მონაცემები (2026 წლის აპრილი)