ეკონომიკური კალენდარი – რას უნდა ველოდოთ მომავალ კვირას?

მომავალ კვირას ინვესტორთა ყურადღების ცენტრში ისევ აშშ-ირანის მოლაპარაკების პროცესი და ჰორმუზის სრუტის გახსნის საკითხი იქნება. მართალია, მხარეებს შორის გარკვეული პროგრესი მიღწეულია და რიგ საკითხებზე შეთანხმებაც არის, თუმცა რამდენიმე პრობლემა ჯერაც გადაუჭრელი რჩება, რაც პროცესს აჭიანურებს და რისკებს ზრდის.

გარდა ამისა, მომდევნო დღეებში გავეცნობით ევროზონის ინფლაციურ სტატისტიკას, რომელთან მიმართებით ინვესტორებს საკმაოდ ნეგატიური მოლოდინები აქვთ. საქმე ისაა, რომ ECB-ის მომავალი მონეტარული გადაწყვეტილება სწორედ ამ სტატისტიკაზე იქნება დამოკიდებული.

გარდა ამისა, წინა კვარტლის ფინანსურ მაჩვენებლებს შემდეგი მსხვილი კომპანიები გაგვაცნობენ: Broadcom, CrowdStrike, Medtronic, Ciena, lululemon, HP, Palo Alto, Dollar General და Ecopetrol.

ასევე, Nvidia GTC Taipei 2026-ზე მსოფლიოს უმსხვილესი კომპანია ახალ პროდუქტებს, AI-სერვისებს და არქიტექტურას წარმოადგენს, რომელზედაც ახალი თაობის პროცესორები და კომპიუტერები დაშენდება.გარდა ამისა, New York Tech Week-ზე სტარტაპები და ინოვაციური ტექნოლოგიური კომპანიები თავიანთ ახალი პროდუქტებსა და სერვისებს წარმოადგენენ.

რაც შეეხება საქართველოს, სტატისტიკის ეროვნული სამსახური შემდეგ მონაცემებს გაასაჯაროებს:

• სამომხმარებლო ფასების ინდექსი (2026 წლის მაისი) • საწარმოთა საქმიანობის შედეგები • მშენებლობის ღირებულების ინდექსი (2026 წლის აპრილი)