€20 მილიონი ქართული ენერგეტიკისთვის - „ეპ ჯორჯია გენერაცია“ ინვესტიციების განხორციელებას განაგრძობს
„ეპ ჯორჯია გენერაცია“ განაგრძობს მის მფლობელობაში არსებული ჰიდროელექტროსადგურების რეაბილიტაციას. სამი ჰიდროელექტროსადგურის სარეაბილიტაციო პროექტის საერთო ინვესტიცია შეადგენს 20 მლნ ევროს. კომპანიის მიზანია ჰესების თანამედროვე, ევროპული სტანდარტების შესაბამისობაში მოყვანა.
ამჟამად, მიმდინარეობს ორთაჭალჰესის, გუმათ ჰესების კასკადისა და ჩითახევჰესის სარეაბილიტაციო პროექტები. ჩეხეთიდან და სლოვენიიდან უკვე ჩამოტანილია სარეაბილიტაციო პროექტებისთვის საჭირო მნიშვნელოვანი ტექნიკური მოწყობილობები, ტურბინა, გენერატორის ახალი სტატორები, მუშა თვლები და სხვა.
"შემდეგი პრიორიტეტი არის ლაჯანურჰესის ჰიდროსაინჟინრო ნაგებობები, რომელთა მდგომარეობაც ნამდვილად მოითხოვს განსაკუთრებულ ყურადღებას. მომდევნო წლიდან მნიშვნელოვანი სარებილიტაციო-გამაგრებითი სამუშაობი იგეგმება ამ მიმართულებით, რომლისთვისაც იგეგმება შესაბამისი ფინანსური რესურსების მობილიზებაც, ამ ეტაპზე კი ინტენსიურად მიმდინარეობს საპროექტო სამუშაოები“, - განაცხადა „ეპ ჯორჯია გენერაციის“ დირექტორთა საბჭოს წევრმა ლევან საჩალელმა.
მისივე თქმით, ჰესებზე განხორციელებული სამუშაოების შედეგად მნიშვნელოვნად გაუმჯობესდება ჰესის ინფასტრუქტურა და უსაფრთხოება. ასევე, მნიშვნელოვნად შემცირდება ავარიული შემთხვევები.
BM.GE
წყარო: bm.ge