ევროკავშირი ადგილობრივ სტარტაპებს ჩიპების გაყიდვაში დაეხმარება

ევროკომისია პროექტზე მუშაობს, რომლითაც ჩიპების მწარმოებელ ევროპულ სტარტაპებს პროდუქციის გაყიდვაში დაეხმარება. როგორც ბრიუსელში განმარტავენ, ინიციატივის მთავარი მიზანი ადგილობრივი პროდუქტების პოპულარიზაცია და ახალბედა კომპანიებისთვის მსხვილი კლიენტების მოზიდვაა.

დოკუმენტი Chips Act 2.0, რომლის დამტკიცებაზეც ევროკომისია ახლა მუშაობს, მიზნად აშშ-სა და აღმოსავლეთ აზიაზე ევროპის დამოკიდებულების შემცირებას ისახავს მიზნად. მარტივად რომ ვთქვათ, ევროკავშირი გახდება ჩიპების შეძენით დაინტერესებულ კომპანიებსა და მიკროსქემების მწარმოებელ ევროპულ სტარტაპებს შორის შუამავალი.

საყურადღებო ფაქტია, რომ Chips Act 2.0 არათუ ჩაანაცვლებს, არამედ შეავსებს სამი წლის წინ მიღებულ პირველად საკანონმდებლო აქტს, რომლის დადგენილმა მოდელმაც ბაზრის წილის 20%-მდე გაორმაგების უზრუნველყოფა თავიდანვე ვერ შეძლო.

თუ ძველი დოკუმენტი მიწოდების ბაზრის გაძლიერებაზე აკეთებდა აქცენტს, ახალი პროექტი ძირითად ყურადღებას მოთხოვნის სტიმულირებას დაუთმობს. სპეციალური მექანიზმების დახმარებით, ის მომხმარებლებსა და მწარმოებლებს შორის გრძელვადიანი ხელშეკრულებების გაფორმებას წაახალისებს. სტარტაპების მხარდასაჭერად ევროკავშირი სახელმწიფო შესყიდვების ინოვაციურ მოდელს სტრატეგიულ ინსტრუმენტად გამოიყენებს.

ცნობისთვის, ამჟამად ევროპა გლობალური ნახევარგამტარების ბაზრის მხოლოდ 10%-ს აკონტროლებს.