ევროკავშირის ფინანსთა მინისტრები აშშ-ს ირანთან ომის დასრულებას სთხოვენ
ევროკავშირის ფინანსთა მინისტრებმა აშშ-ის ხაზინის მდივანს სკოტ ბესენტს ახლო აღმოსავლეთში მიმდინარე ომის დასრულება სთხოვეს. პარიზში გამართულ G7-ის მინისტერიალზე გერმანიის, საფრანგეთის, იტალიისა და ევროკომისიის წარმომადგენლებმა განაცხადეს, რომ ირანთან კონფლიქტი ევროპაში ნავთობის ფასების ზრდას იწვევს.
საფრანგეთის ფინანსთა მინისტრმა, როლან ლესკიურმა აღნიშნა, რომ ჰორმუზის სრუტის სწრაფი გახსნა გეოპოლიტიკური კონფლიქტის ეკონომიკურ შედეგებს საბოლოოდ მოაგვარებს. მისი თქმით, არსებული დაპირისპირება ევროპის ეკონომიკურ ზრდას მნიშვნელოვან საფრთხეს უქმნის.
რაც შეეხება ამერიკული მხარის პოზიციას, ვაშინგტონმა ევროპულ სახელმწიფოებს განუცხადა, რომ მათი ეკონომიკური პრობლემები მათივე შიდაპოლიტიკური ფაქტორებითაა განპირობებული. აშშ-ის წარმომადგენლის განცხადებით, ევროპელი ლიდერები საკუთარი რეიტინგების ვარდნის გარე ძალებზე გადაბრალებას ცდილობენ.
მნიშვნელოვანია ითქვას, რომ ორდღიანი მინისტერიალის ფარგლებში მხარეებმა სავაჭრო დისბალანსი, ფინანსური დანაშაულის სქემები და ხელოვნური ინტელექტის ახალი მოდელებიც განიხილეს. შეხვედრის დასრულების შემდეგ მონაწილეებმა ერთობლივ დეკლარაციასაც მოაწერეს ხელი.
იტალიის ფინანსთა მინისტრმა ჯანკარლო ჯორჯეტიმ იმედი გამოთქვა, რომ რეგიონში სტაბილური მშვიდობის დამყარება გლობალური ბაზრებისთვის სასარგებლო იქნება.
BM.GE
წყარო: bm.ge