ფაშინიანმა სომხეთისთვის რუსული გაზის ფასის შესაძლო გაძვირება გამორიცხა
სომხეთის პრემიერ-მინისტრმა, ნიკოლ ფაშინიანმა ქვეყნისთვის მიწოდებული რუსული ბუნებრივი აირის ფასის ყოველგვარი ზრდა გამორიცხა და მიზეზად ორ სახელმწიფოს შორის არსებული მოქმედი ხელშეკრულება დაასახელა.
მთავრობის მეთაურის განმარტებით, მხარეებს შორის გაფორმებული კონტრაქტი ორმხრივად მოგებიანია და კონკრეტულ პირობებს მოიცავს. ფაშინიანმა ბრიფინგზე ხაზგასმით აღნიშნა, რომ გაზის ტარიფთან დაკავშირებით მიღწეულია მკაფიო სტრატეგიული შეთანხმებები, რომლებიც აუცილებლად უნდა შესრულდეს, წინააღმდეგ შემთხვევაში, საარბიტრაჟო დავა გარდაუვალი იქნება.
შეგახსენებთ, რომ მიმდინარე წლის 21 მაისს მედიაში გავრცელდა ცნობები, თითქოს სომხეთისთვის რუსული გაზის ფასი შესაძლოა გაზრდილიყო. თუმცა, მოგვიანებით სომხეთის მარეგულირებელმა კომისიამ აღნიშნული ინფორმაცია ოფიციალურად უარყო და მას პოლიტიკური მანიპულაცია უწოდა.
BM.GE
წყარო: bm.ge