ფრანგული სტარტაპი Mistral-ი საკუთარ AI ჩიპებს შექმნის

ფრანგული ტექნოლოგიური სტარტაპის Mistral-ის ხელმძღვანელმა კომპანიის მიერ საკუთარი AI ჩიპების დიზაინის შექმნისა და წარმოების შესახებ განაცხადა.

არსებული ინფორმაციით, ეს გადაწყვეტილება მიზნად საკუთარ ინფრასტრუქტურაზე კონტროლის მოპოვებას ისახავს.

ამასთან, კომპანია ამერიკულ მეტოქე გიგანტებთან, OpenAI-სა და Anthropic-თან კონკურენციის გაძლიერებასაც გეგმავს, რისთვისაც, გენერალური დირექტორის თქმით, დამოუკიდებელი ჩიპების ქონა აუცილებელი იქნება. აღმასრულებელი დირექტორის შეფასებით, სპეციალიზებული ჩიპები მონაცემთა დამუშავების ხარჯებს მნიშვნელოვნად შეამცირებს.

ცნობისთვის, ამჟამად Mistral-ი საკუთარი გამოთვლილი შესაძლებლობების განვითარებისთვის Nvidia-ს AI ჩიპებს იყენებს.

აღსანიშნი ფაქტია, რომ ფრანგულმა ფირმამ ქვეყნის ტერიტორიაზე ახალი მონაცემთა ცენტრის მშენებლობაც დააანონსა. დასახელებული ობიექტი სპეციალურად ხელოვნური ინტელექტის მიერ მონაცემების დამუშავებისა და გენერირების პროცესისთვის შეიქმნება.

ხელმძღვანელობის განცხადებით, ევროპა დღეს ტექნოლოგიური ინფრასტრუქტურის განვითარების კუთხით მნიშვნელოვნად ჩამორჩება კონკურენტ შტატებსა და ჩინეთს და, შესაბამისად, საჭიროა ისეთი ნაბიჯების გადადგმა, რაც როგორც დამოუკიდებლობას, ისე მდგრადობას უზრუნველყოფს.

ცნობისთვის, პარიზში დაფუძნებული სტარტაპის საბაზრო ღირებულება თითქმის €12 მილიარდს ($13 მლრდ) შეადგენს. კომპანიის ძირითად კლიენტებს შორის კი ჩიპების მწარმოებელი დანადგარების გიგანტი ASML-ი ირიცხება.