Galt&Taggart-ის საბაზისო სცენარით, 2035 წლისთვის დადგმული სიმძლავრე 8.8 გვტ-მდე გაიზრდება

Galt & Taggart-ის საბაზისო სცენარით, 2035 წელს საქართველოს დადგმული სიმძლავრე 8.8 ათას მეგავატამდე გაიზრდება.

საინვეტიციო ბანკის მიერ მომზადებულ კვლევაში "ელექტროენერგიით ვაჭრობის პერსპექტივები საქართველოსა და კავკასიის რეგიონში" წერია, რომ სახელმწიფოს გეგმით დადგმული სიმძლავრე 2036 წლისთვის 11.5 ათას მეგავატს მიაღწევს, ხოლო მათი საბაზისო სცენარით 2035 წლისთვის სიმძლავრის 8.8 გვტ-მდე ზრდა არის მოსალოდნელი.

დღეის მდგომარეობით საქართველოს ელექტროსისტემის დადმული სიმძლავრე 4800 მეგავატამდეა, საიდანაც 3.5 ათასი მეგავატი ჰესებია, 1.2 ათასი მეგავატი კი თბოსადგურები. მზისა და ქარის სადგურების ჯამური დადგმული სიმძლავრე ძალიან მცირე - 50 მეგავატამდეა.

ცნობისთვის, მთავრობის გეგმით, შემდეგ 10 წელში სისტემას 6.8 ათასი მეგავატი ჰიდრო, მზისა და ქარის სადგურები უნდა დაემატოს.