მთავარი
BM.GEწყარო
  1. მთავარი
  2. BM.GE
  3. გაზზე და წყალზე საფეხურეობრივ ტარიფს სემეკი დაადგენს - დავით ნარმანია ჯერ არ ამბობს, როგორ განისაზღვრება ტარიფი
გაზზე და წყალზე საფეხურეობრივ ტარიფს სემეკი დაადგენს - დავით ნარმანია ჯერ არ ამბობს, როგორ განისაზღვრება ტარიფი

გაზზე და წყალზე საფეხურეობრივ ტარიფს სემეკი დაადგენს - დავით ნარმანია ჯერ არ ამბობს, როგორ განისაზღვრება ტარიფი

BM.GE18 ნოემბერი, 2026, 18:19|bm.ge

ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) ბუნებრივი გაზისა და წყალმომარაგების სექტორების ტარიფების მეთოდოლოგიაში ცვლილებები შეიტანა. პარლამენტის მიერ მიღებული კანონის შესაბამისად, კომისიას ექნება უფლებამოსილება ელექტროენერგეტიკის სექტორის მსგავსად, მოხმარების მოცულობის მიხედვით მომხმარებელთა სხვადასხვა კატეგორიისთვის განსხვავებული ტარიფები დაადგინოს.

სემეკის თავმჯდომარე დავით ნარმანია განმარტავს, ამ ეტაპზე საუბარია მხოლოდ მეთოდოლოგიურ ცვლილებაზეა და არაერთი კითხვის მიუხედავად, არ ამბობს როგორ განაწილდება ტარიფები.

"კომისიას აქვს უფლებამოსილება ელექტროენერგეტიკის სექტორში სხვადასხვა კატეგორიის მომხმარებლებისთვის, მოხმარების მოცულობის მიხედვით დაადგინოს განსხვავებული ტარიფი. დაახლოებით მსგავსი უფლებამოსილება მიენიჭა კანონმდებლობით კომისიას, რომ ბუნებრივი გაზის და წყალმომარაგების სექტორებშიც საჭიროების შემთხვევაში დაადგინოს ასეთი ტარიფები. აქედან გამომდინარე, მეთოდოლოგიაში შევიტანეთ ცვლილება, რომლის მიხედვითაც საჭიროების შემთხვევაში გვექნება შესაძლებლობა სხვადასხვა მოცულობის მომხმარებელთა კატეგორიისთვის დავადგინოთ განსხვავებული ტარიფები. ჯერჯერობით მხოლოდ ეს არის", - ამბობს ნარმანია.

ჟურნალისტის კითხვაზე შენარჩუნდება თუ არა მაგალითად თბილისში ბუნებრივ აირზე არსებული ტარიფი, ნარმანია პასუხობს, რომ ჯერჯერობით ამაზე საუბარი ნაადრევია.

"როგორც წესი, როცა თავის დროზე ელექტროენერგეტიკის სექტორში დიფერენცირება გავაკეთეთ, ავიღეთ საშუალო და მედიანური მოხმარებები ანუ ეკონომიკური და სოციალური კატეგორიები და ამ კატეგორიებზე დაყრდნობით განხორციელდა შესაბამისი ცვლილებები. ბუნებრივი გაზისა და წყალმომარაგების სექტორებშიც, როცა ამის საჭიროება დადგება, აუცილებლად ვიხელმძღვანელებთ შესაბამისი ეკონომიკური და სოციალური კატეგორიებით, ხოლო როდესაც მზად ვიქნებით, შესაბამის განმარტებებსაც აუცილებლად მოგაწვდით. წყალმომარაგების სექტორში ტარიფების დადგენას წლის ბოლოს ველოდებით, ბუნებრივი გაზის სექტორთან დაკავშირებით კი მოგვიანებით გეტყვით“, - აცხადებს ნარმანია.

გაზიარება:

BM.GE

წყარო: bm.ge

ორიგინალი სტატია

მსგავსი სტატიები

ჯარიმები ₾1.4 მილიონია - რა აჩვენა საწვავის ხარისხის შემოწმებამ?

ჯარიმები ₾1.4 მილიონია - რა აჩვენა საწვავის ხარისხის შემოწმებამ?

BM.GE

თიბისი კონცეპტის, Visa-ს და M.T.A.-ს განსაკუთრებული შეთავაზება სათხილამურო სპორტის მოყვარულთათვის

თიბისი კონცეპტის, Visa-ს და M.T.A.-ს განსაკუთრებული შეთავაზება სათხილამურო სპორტის მოყვარულთათვის

BM.GE

"მათი გზავნილია: "ყველას დაგიჭერთ", ჩვენი გზავნილია: "არ გვეშინია"|ვახო სანაიამ იზოლატორი დატოვა

"მათი გზავნილია: "ყველას დაგიჭერთ", ჩვენი გზავნილია: "არ გვეშინია"|ვახო სანაიამ იზოლატორი დატოვა

BM.GE

ევროკომისიამ საქართველოს პროფესიული განათლების სფეროში მნიშვნელოვანი წინსვლა აღიარა - გივი მიქანაძე

ევროკომისიამ საქართველოს პროფესიული განათლების სფეროში მნიშვნელოვანი წინსვლა აღიარა - გივი მიქანაძე

BM.GE