ღვინის სააგენტო სამხრეთ კორეაში მარკეტინგზე 320 ათას ლარს დახარჯავს

ღვინის ეროვნული სააგენტო სამხრეთ კორეაში მარკეტინგულ კამპანიაზე წელს 120 ათას დოლარს დახარჯავს.

ამ მიზნით სააგენტომ WINE21.COM CO-თან ერთწლიანი ხელშეკრულება გააფორმა, რომლის ფარგლებშიც კომპანიამ ქართულ ღვინოზე დეგუსტაციები, მასტერკლასები და ფესტივალები უნდაჩაატაროს.

ამას გარდა, უნდა უზრუნველყოს სოციალურ მედია პლატფორმის (ინსტაგრამ გვერდი- "საქართველო ღვინის სამშობლო") მეშვეობით, კორეის მასშტაბით ქართული ღვინისა და მეღვინეობის შესახებ სარეკლამო კამპანიის წარმოება.

საქსტატის მონაცემებით, სამხრეთ კორეაში ღვინის გაყიდვები მცირეა, თუმცა თუ 2025 წელს არ ჩავთვლით, მზარდი.

ბოლო ხუთ წელში სამხრეთ კორეაში გაყიდული ღვინის მოცულობა:

• 2025 წელი - 257 ათასი დოლარი; • 2024 წელი - 334.7 ათასი დოლარი; • 2023 წელი - 300.6 ათასი დოლარი; • 2022 წელი - 187 ათასი დოლარი; • 2021 წელი - 407 ათასი დოლარი;