I კვარტალში მაღალბიუჯეტურ სასტუმროებში დატვირთულობა გაიზარდა - TBC Capital

2026 წლის პირველ კვარტალში, წლიურად, მაღალბიუჯეტურ ბრენდულ სასტუმროებში დატვირთულობა 6 პროცენტული პუნქტით 51%-მდე გაიზარდა.

ზრდა ყველაზე შესამჩნევი იანვარში იყო, თებერვლისა და მარტისგან განსხვავებით. სასტუმროების დატვირთულობის პოზიტიური დინამიკა თანხვედრაშია ტურისტული ვიზიტების ზრდასთან, თუმცა თებერვლის და მარტის მონაცემები ახლო აღმოსავლეთში მიმდინარე მოვლენებით გამოწვეულ შოკს ასახავს. ამის შესახებ TBC Capital-ის მიერ მომზადებულ კვლევაში წერია, რომელიც ტურიზმის სექტორის პირველი კვარტალის მონაცემებს მიმოიხილავს.

ჯამში საშუალო დატვირთულობამ მაღალბიუჯეტურ სასტუმროებში იანვარში 57% შეადგინა, თებერვალში 53%, ხოლო მარტში 43%.

ამასთან, მაღალბიუჯეტურ ბრენდულ სასტუმროებში ნომრების საშუალო ღირებულებაც გაიზარდა. I კვარტალში ტარიფმა 129 აშშ დოლარს მიაღწია, რაც წლიურად 10%-იან ზრდას ნიშნავს. სტატისტიკა აჩვენებს, რომ საშუალო ფასი მაღალბიუჯეტურ სასტუმროებში ყველაზე მაღალი 140 დოლარი იანვარში იყო, ხოლო თებერვალსა და მარტში 123 და 125 დოლარამდე შემცირდა.