I კვარტალში ქვეყნის აეროპორტები 1.6 მლნ მგზავრს მოემსახურნენ, ზრდა - 4%|საქსტატი

საქსტატის ინფორმაციით, 2026 წლის I კვარტალში საქართველოს აეროპორტები 1.6 მილიონ მგზავრს მოემსახურა, რაც 4%-ით აღემატება წინა წლის შესაბამისი პერიოდის მაჩვენებელს. აეროპორტებიდან გაემგზავრა 0.8 მლნ მგზავრი (5.3%-ით მეტი), ხოლო აეროპორტებმა მიიღო 0.8მლნ მგზავრი (3.3%-ით მეტი).

ამას გარდა, მიმდინარე წლის პირველ კვარტალში საქართველოს აეროპორტებში 0.9 ათასი სატვირთო რეისი განხორციელდა, რაც 6.2%-ით აღემატება წინა წლის შესაბამის მაჩვენებელს.

საქსტატის ცნობითვე, საანგარიშო პერიოდში საქართველოს საჰაერო ტრანსპორტით გადაყვანილია 191 ათასამდე მგზავრი და გადატანილია 30.5 ათასი ტონა ტვირთი. აღნიშნულ პერიოდში გადაყვანილი მგზავრების რაოდენობა 58%-ით აღემატება გასული წლის შესაბამისი პერიოდის მაჩვენებელს, ხოლო გადატანილი ტვირთის მოცულობა წლიურად 18%-ით არის შემცირებული.