III კვარტალში ქართველების ვიზიტები საზღვარგარეთ 3%-ით გაიზარდა

III კვარტალში საქართველოს რეზიდენტი მოგზაურების 813.7 ათასი გასვლა დაფიქსირდა საზღვარგარეთ, რაც 3.7%-ით მეტია წინა წლის ანალოგიური პერიოდის მაჩვენებელზე. აქედან საქართველოს რეზიდენტი ვიზიტორების მიერ საზღვარგარეთ განხორციელებულმა ვიზიტებმა 618.2 ათასი შეადგინა, რაც 3%-ით მეტია 2025 წლის ანალოგიური პერიოდის მაჩვენებელზე.

რეზიდენტი ვიზიტორების მიერ საზღვარგარეთ განხორციელდა 428 ათასი ტურისტული ტიპის ვიზიტი, რაც წლიურად 4%-ით გაზრდილი მაჩვენებელია. ვიზიტების უმრავლესობა განხორციელდა თურქეთსა და რუსეთის ფედერაციაში, შესაბამისად, 204.6 ათასი და 112 ათასი ვიზიტი.

განხორციელებული ვიზიტებისას გათეული ღამეების საშუალო რაოდენობამ 7.8 შეადგინა, რაც წლიურ ჭრილში 1.3%-ით შემცირებული მაჩვენებელია.

III კვარტალში განხორციელებული ვიზიტებისას გაწეული ხარჯები 835 მილიონ ლარს გაუტოლდა, რაც 19% მეტია წინა წლის ანალოგიური პერიოდის მაჩვენებელზე. ვიზიტზე საშუალო ხარჯი 2025 წლის III კვარტალთან შედარებით 16%-ით გაიზარდა და 1 351 ლარი შეადგინა.