ილონ მასკი ტრილიონერი აღარ არის

საფონდო ბირჟაზე აქციების გლობალური ვარდნის ფონზე, Tesla-სა და SpaceX-ის შეფასება მკვეთრად შემცირდა, რის გამოც მსოფლიოს უმდიდრესმა ადამიანმა, ილონ მასკმა ტრილიონერის სტატუსი დაკარგა. Bloomberg-ის მილიარდერთა ინდექსის მიხედვით, ამჟამად მისი ქონება $957 მილიარდს შეადგენს, ანუ ის თითქმის $300 მილიარდით არის შემცირებული.

ცნობისთვის, მასკმა ტრილიონერის სტატუსს მიმდინარე თვის დასაწყისში მიაღწია, როდესაც SpaceX-ის ისტორიული პირველადი საჯარო შეთავაზების შედეგად ორგანიზაციის ღირებულებამ $2.6 ტრილიონს გადააჭარბა, რომელიც ამჟამად $2 ტრილიონამდეა შემცირებული.

მნიშვნელოვანია ითქვას, რომ ილონ მასკის ყველაზე ძვირად ღირებულ აქტივად კვლავ კოსმოსური კომპანია რჩება. სამშაბათის მონაცემებით, მასში მასკის წილი $744 მილიარდად ფასდება, რაც მისი მთლიანი ქონების თითქმის 80%-ს შეადგენს. ამასთან, აქციების საყოველთაო გაყიდვამ გავლენა იქონია ავტომწარმოებელ Tesla-ში მის კუთვნილ წილზეც, რომლის ღირებულებაც $158 მილიარდამდე შემცირდა. მიუხედავად ფინანსური დანაკარგებისა, მასკის ქონება მაინც საგრძნობლად აჭარბებს რეიტინგში მეორე ადგილზე მყოფი Google-ის თანადამფუძნებლის, ლარი პეიჯის კაპიტალს, მათ შორის სხვაობა კი $660 მილიარდს შეადგენს.