ინვესტიციების სააგენტოსა და Enterprise Greece-ს შორის ურთიერთგაგების მემორანდუმი გაფორმდა

ათენში ინვესტიციების სააგენტოსა და Enterprise Greece-ს შორის ურთიერთგაგების მემორანდუმი გაფორმდა.

მემორანდუმს ხელი მოაწერეს ინვესტიციების სააგენტოს თავმჯდომარემ მიხეილ ხიდურელმა და Enterprise Greece-ის ხელმძღვანელმა დიმიტრი სკალკოსმა.

ინვესტიციების სააგენტოს ინფორმაციით, დოკუმენტი მხარეებს შორის თანამშრომლობის გაძლიერებას, გამოცდილების გაზიარებას და ბიზნესკავშირების განვითარებას ითვალისწინებს.

საქსტატის ინფორმაციით, 2025 წელს საბერძნეთიდან საქართველოში პირდაპირი უცხოური ინვესტიციები თითქმის 1.5 მლნ დოლარამდე შემცირდა, რაც 2024 წელთან შედარებით 63%-ით შემცირებული მაჩვენებელია.

აღსანიშნავია, რომ საბერძნეთიდან ყველაზე მეტი ინვესტიცია - 19 მლნ დოლარი 2002 წელს შემოვიდა. საქართველოში ბერძნული ინვესტიციების შემოსვლა საქსტატის მონაცემებით, 1998 წლიდან იწყება, როცა პირდაპირი უცხოური ინვესტიციების სახით 2 მლნ დოლარი შემოვიდა.