ირაკლი კობახიძემ გენერალურ პროკურორს იუსტიციის სახელმწიფო მრჩევლის უმაღლესი წოდება მიანიჭა

საქართველოს გენერალურ პროკურორს, გიორგი გვარაკიძეს იუსტიციის სახელმწიფო მრჩევლის უმაღლესი სპეციალური წოდება მიენიჭა. შესაბამისი განკარგულება ირაკლი კობახიძემ გამოსცა.

მისივე განკარგულებით, უმაღლესი სპეციალური წოდებები მიიღეს შინაგან საქმეთა სამინისტროსა და სასაზღვრო პოლიციის ხელმძღვანელმა პირებმაც. კერძოდ:

• სულხან თამაზაშვილს (შინაგან საქმეთა მინისტრი) — პოლიციის გენერალ-მაიორის წოდება მიენიჭა; • ვაჟა სირაძეს (თბილისის პოლიციის დეპარტამენტის დირექტორი) — პოლიციის გენერალ-მაიორის წოდება მიენიჭა; • დავით თამაზაშვილს (სასაზღვრო პოლიციის უფროსი) — საქართველოს სასაზღვრო პოლიციის გენერალ-მაიორის უმაღლესი სპეციალური წოდება მიენიჭა.

რაც შეეხება გვარაკიძის კარიერულ გზას. ის გენერალური პროკურორი 2025 წლის ივნისში გახდა.

გიორგი გვარაკიძემ საქართველოს პროკურატურაში მუშაობა 2003 წელს სტაჟიორ პროკურორის პოზიციიდან დაიწყო და წლების განმავლობაში იკავებდა სხვადასხვა თანამდებობას.

• იყო დასავლეთ საქართველოს საოლქო პროკურატურის საგამოძიებო ნაწილის უფროსი გამომძიებელი, დასავლეთ საქართველოს საოლქო პროკურორის მოადგილე-საგამოძიებო ნაწილის უფროსი; • აჭარის ავტონომიური რესპუბლიკის პროკურატურის საგამოძიებო ნაწილის უფროსი; • ქუთაისის რაიონული პროკურორის მოადგილე; • თბილისის პროკურორი.

ის ასევე სპეციალურ საგამოძიებო სამსახურში იკავებდა სპეციალურ საქმეთა გამოძიების დეპარტამენტის უფროსის მოადგილის და სპეციალური საგამოძიებო სამსახურის საგამოძიებო დეპარტამენტის უფროსის მოადგილის თანამდებობებს.

საქართველოში 31 მაისს პოლიციელის დღე აღინიშნება, წოდებების მინიჭების თარიღი საბვარაუდოდ, სწორედ ამ თარიღს უკავშირდება.