ირანის ომის დასრულების მოლოდინში, ნავთობის ფასი დაეცა

ენერგეტიკულ ბირჟებზე ნავთობის ფასი ბოლო ორ კვირაში ყველაზე დაბალ ნიშნულამდე შემცირდა, რაც ვაშინგტონსა და თეირანს შორის სამშვიდობო შეთანხმების მიღწევის მოლოდინით არის განპირობებული.

Brent-ის მარკის ნავთობის ფიუჩერსების ღირებულება 4.9%-ით, ანუ $5-ით შემცირდა და ბარელზე $98.5 შეადგინა.

პარალელურად, ამერიკული WTI-ის მარკის ნავთობის ფასი 5.4%-ით, კერძოდ კი $5.2-ით შემცირდა და ბარელზე $91.4-ს გაუტოლდა.

რაც შეეხება მოლაპარაკებების პროცესს, პრეზიდენტმა დონალდ ტრამპმა განაცხადა, რომ მხარეებს შორის სამშვიდობო შეთანხმების მიღწევისა და ჰორმუზის სრუტის გახსნის თაობაზე ძირითადი გაგება დიდწილად მიღწეულია და ჰორმუზის სრუტე მალე, ეტაპობრივად გაიხსნება.

მნიშვნელოვანია ითქვას, რომ გლობალური ენერგეტიკული ბაზრის წარმომადგენლები არსებულ ვითარებას სიფრთხილით აფასებენ, რადგან მხოლოდ შეთანხმების მიღწევა საკმარისი არ არის ახლო აღმოსავლეთში დაზიანებული ინფრასტრუქტურის აღსადგენად და მიყენებული ზიანი ასანაზღაურებლად.