ირანმა, სირიამ და ერაყმა საჰაერო სივრცე დახურეს
ლიბანზე განხორციელებული ბოლო იერიშის საპასუხოდ, ირანმა ისრაელის მიმართულებით რაკეტების მასირებული ტალღა გაუშვა, რის შემდეგაც ქვეყნის დასავლეთ ნაწილში საჰაერო სივრცე სრულად ჩაკეტა.
საინფორმაციო სააგენტო IRNA-ს ცნობით, ირანის სამოქალაქო ავიაციის ეროვნული ორგანიზაციის სპიკერმა, მაჯიდ ახავანმა განაცხადა, რომ უსაფრთხოებისა და თავდაცვის რისკების შეფასების საფუძველზე, დასავლეთ რეგიონების საჰაერო სივრცე მომდევნო შეტყობინებამდე დაკეტილი იქნება.
უსაფრთხოების ზომებიდან გამომდინარე, რეგიონში საჰაერო მიმოსვლა მეზობელმა ქვეყნებმაც შეზღუდეს მათ შორის ერაყმა და სირიამ. ადგილობრივი სამოქალაქო ავიაციის უწყების განცხადებით, ერაყის საჰაერო სივრცე 72 საათის განმავლობაში ჩაკეტილი დარჩება.
რაც შეეხება სირიას, ქვეყნის ხელისუფლებამ 12 საათით ჩაკეტა სამხრეთი საჰაერო სივრცე და დამასკოს აეროპორტში ოპერაციები დროებით შეაჩერა.
BM.GE
წყარო: bm.ge