"ირანთან კონფლიქტის გამო ევროკავშირი დღეში €500 მილიონს კარგავს" - ურსულა ფონ დერ ლაიენი

ევროკომისიის პრეზიდენტმა, ურსულა ფონ დერ ლაიენმა განაცხადა, რომ ახლო აღმოსავლეთში მიმდინარე დაპირისპირება ევროკავშირს დღეში თითქმის €500 მილიონი უჯდება. სტრასბურგში, ევროპარლამენტის წინაშე სიტყვით გამოსვლისას მან აღნიშნა, რომ ბოლო 60 დღის განმავლობაში წიაღისეული საწვავის იმპორტის ხარჯები €27 მილიარდით გაიზარდა.

ფონ დერ ლაიენი არსებულ ვითარებას იმის მკაფიო მტკიცებულებად მიიჩნევს, რომ ევროკავშირმა იმპორტირებულ საწვავზე დამოკიდებულება უნდა შეამციროს. ცნობისთვის, ევროკომისია ენერგეტიკული უსაფრთხოების გაძლიერების სტრატეგიის ახალი გეგმის წარდგენას 10 ივნისისთვის გეგმავს.

სიტყვით გამოსვლისას პრეზიდენტმა ადგილობრივი სუფთა ენერგიის, მათ შორის განახლებადი და ბირთვული რესურსების ათვისების აუცილებლობასაც გაუსვა ხაზი. ამასთან, მან დააანონსა, რომ უახლოეს მომავალში დღის წესრიგში დადგება ევროპული ენერგოქსელების მოდერნიზაცია და საწვავის რეზერვების კოორდინირებული მართვა.