ისრაელური თავდაცვითი კომპანია Rafael-ი გერმანული Volkswagen-ის ქარხანას ყიდულობს

ისრაელური თავდაცვითი კომპანია Rafael-ი გერმანული Volkswagen-ის ქარხანას ყიდულობს. როგორც ირკვევა, მხარეებს შორის მოლაპარაკებები დასკვნით ეტაპზე გადასული.

აღსანიშნავია, რომ ეს ინფორმაცია ინვესტორებს ავტომწარმოებლის აღმასრულებელმა დირექტორმა, ოლივერ ბლუმემ გუშინ გაუზიარა. გავრცელებული ინფორმაციით, კომპანია სირთულეების ფონზე ძირითადი ბიზნესის რესტრუქტურიზაციას გეგმავს, რისი ნაწილიც ქარხნის გასხვისება იქნება. მნიშვნელოვანია აღინიშნოს, რომ მედიაში გავრცელებულ ცნობებზე უშუალოდ Volkswagen-ი და ებრაული Rafael-ი ოფიციალური კომენტარისგან ჯერჯერობით თავს იკავებენ.

გერმანული მედია ასევე წერს, რომ ოსნაბრიუკის ქარხანა, სადაც 2 300 ადამიანია დასაქმებული, ავტომობილების ნაცვლად სარაკეტო თავდაცვის სისტემების წარმოებაზე გადავა. Rafael-ი ადგილზე რაკეტის ძრავებსა და სხვა კომპონენტებს ააწყობს. უსაფრთხოების რისკების გათვალისწინებით, ფეთქებადი ნივთიერებების დამზადება ალტერნატიულ ლოკაციაზე მოხდება. აღსანიშნავია, რომ ეს პარტნიორობა Rafael-ს გერმანულ, მაღალკვალიფიციურ სამუშაო ძალაზე წვდომას მისცემს. საყურადღებოა ექსპერტების შეფასებაც, რომელთა განცხადებითაც, ოსნაბრიუკის ქარხანაში განთავსებული ინფრასტრუქტურა არამარტო ავტომობილების, არამედ სამხედრო ტექნიკის მასშტაბური წარმოებისთვისაც კი გამოდგება.

ცნობისთვის, ისრაელის სახელმწიფო კომპანია Rafael-ი ქვეყნის წამყვანი საჰაერო თავდაცვის სისტემების შექმნაში მონაწილეობს. სწორედ მის სახელს უკავშირდება "რკინის გუმბათი","Arrow" და "დავითის შურდულის" ტექნოლოგიები.