Jack Daniel's-ის მწარმოებელმა გასხვისების $15-მილიარდიანი წინადადება უარყო

ალკოჰოლური სასმელების მწარმოებელმა ამერიკულმა კომპანია Brown-Forman-მა მეტოქე კომპანიის, Sazerac-ის მიერ წარდგენილი შეთავაზება, რომელიც აქტივების $15 მილიარდად გამოსყიდვას გულისხმობდა, ოფიციალურად უარყო.

საყურადღებოა, რომ აღნიშნული მოლაპარაკებები მას შემდეგ დაიწყო, რაც Jack Daniel's-ის მფლობელმა კომპანიამ ფრანგულ Pernod Ricard-თან შესაძლო შერწყმის თაობაზე შეთანხმებას ვერ მიაღწია.

მნიშვნელოვანია ითქვას, რომ ამ ორ კომპანიას შორის შესაძლო გარიგება ამერიკული ვისკის ბაზრის 30%-იანი წილის კონცენტრაციასა და დისტრიბუტორებთან მოლაპარაკებებში გავლენის მკვეთრ ზრდას გამოიწვევდა, თუმცა გარიგება ვერ შედგა.

აღსანიშნავია, რომ სექტორში მსგავსი აქტივობა ალკოჰოლური სასმელების მოხმარების შემცირებით გამოწვეულ კრიზისს უკავშირდება. არსებული ვითარების გათვალისწინებით, კომპანიების ღირებულება მკვეთრად შემცირდა, რის გამოც ბანკირები და ანალიტიკოსები გამოსავალს მასშტაბების გაზრდაში ხედავენ. საგულისხმოა, რომ Sazerac-ის წლიური გაყიდვები $6 მილიარდს აჭარბებს, Brown-Forman-ის ანალოგიური მაჩვენებელი კი $4 მილიარდის ფარგლებშია.