კრიპტობაზრიდან $700 მილიონი გაქრა – რატომ ეცემა ბიტკოინის და სხვა აქტივების შეფასება?

ახლო აღმოსავლეთში გეოპოლიტიკური დაძაბულობის ესკალაციამ და ფედერალური რეზერვის მიერ საპროცენტო განაკვეთების შესაძლო გაზრდის მოლოდინმა კრიპტოაქტივების ბაზარზე მასშტაბური ვარდნა გამოიწვია.

არსებული ინფორმაციით, ბოლო 24 საათის განმავლობაში ბაზრის მთლიანი კაპიტალიზაცია $2.56 ტრილიონამდე შემცირდა, რამაც $180 მილიარდზე მეტის ზარალს ნიშნავს.

პარალელურად, მკვეთრად გაუარესებული სენტიმენტების ფონზე, ბაზრიდან $700 მილიონის ღირებულების ტრეიდინგ პოზიციებია ლიკვიდირებული.

ვარდნამ მოიცვა როგორც წამყვანი კრიპტოვალუტები – ბიტკოინი, ეთერიუმი, Solana და XRP, ისე ე.წ. მიმკოინები და სხვა კატეგორიის ციფრული აქტივები.

რაც შეეხება კონკრეტულ აქტივებს, ერთ კვირაში ბიტკოინი 5%-ითაა გაუფასურებული და ის ამჟამად 76,900 დოლარად ივაჭრება.

ეთერიუმთან მიმართებით თითქმის 9%-იან კორექციას ვხედავთ და მისი ფასი 2,100 დოლარს შეადგენს.