მარნეულში, 6 ადამიანი, სავარაუდოდ, ტორტით მოიწამლა - სეს-მა მოკვლევა დაიწყო
BM.GE|bm.ge
მარნეულში, 6 ადამიანი, სავარაუდოდ, ტორტით მოიწამლა, რაზედაც ინფორმაცია სეს-ში შევიდა და უწყებამ მოკვლევა დაიწყო.
"სურსათის ეროვნულ სააგენტოში შემოვიდა შეტყობინება მარნეულის მუნიციპალიტეტში 6 ადამიანის, მათ შორის, ერთი ბავშვის საკონდიტრო ნაწარმით სავარაუდო ინტოქსიკაციის შესახებ. ინფორმაციის მიღებისთანავე, სააგენტოს ქვემო ქართლის დეპარტამენტმა დაიწყო მოკვლევა, ინსპექტირების ჯგუფი ობიექტზე, სადაც, მოქალაქის განმარტებით, ტორტი შეიძინეს, სახელმწიფო კონტროლის ფარგლებში, არაგეგმურ ინსპექტირებას ჩაატარებს; გარდა ამისა, სააგენტო კოორდინაციაშია დაავადებათა კონტროლისა და საზოგადოებრივი ჯანმრთელობის ეროვნულ ცენტრთან და ინფორმაციის დაზუსტებისთანავე, დამატებით ვაცნობებთ საზოგადოებას", - აცხადებენ სურსათის ეროვნულ სააგენტოში.
გაზიარება:
BM.GE
წყარო: bm.ge