მედიამაგნატი და CNN-ის დამფუძნებელი ტედ ტერნერი 87 წლის ასაკში გარდაიცვალა

87 წლის ასაკში, საკუთარ სახლში, ოჯახის წევრების გარემოცვაში გარდაიცვალა მედიამაგნატი და ფილანთროპი ტედ ტერნერი - ინფორმაციას ამის შესახებ მისი კომპანია, Turner Enterprises ავრცელებს.

CNN-ი წერს, რომ ტერნერი ისტორიაში შევიდა, როგორც პიონერი, რომელმაც 24-საათიანი საინფორმაციო მაუწყებლობის კონცეფციითა და CNN-ის დაარსებით სატელევიზიო ახალი ამბების ინდუსტრია სამუდამოდ შეცვალა.

ოჰაიოში დაბადებულმა ატლანტელმა ბიზნესმენმა, რომელსაც პირდაპირი და ხშირად ხისტად გამოთქმული აზრების გამო მეტსახელად „სამხრეთის პირს“ უწოდებდნენ, უზარმაზარი მედიაიმპერია შექმნა.

მისი საქმიანობა მხოლოდ ახალ ამბებს არ მოიცავდა მან ასევე დააარსა საკაბელო ტელევიზიის პირველი „სუპერსადგური“; შექმნა პოპულარული კინო და მულტიპლიკაციური არხები და ფლობდა პროფესიონალურ სპორტულ გუნდებს, მათ შორის ბეისბოლის კლუბს — Atlanta Braves.

ტერნერი ცნობილი იყო არა მხოლოდ ბიზნესით, არამედ აქტიური საზოგადოებრივი ცხოვრებით. ის იყო საერთაშორისო დონის იახტსმენი და მსხვილი ქველმოქმედი, რომელმაც საფუძველი ჩაუყარა გაეროს ფონდს (United Nations Foundation).