მოსკოვის ნავთობგადამმუშავებელმა ქარხანამ დრონით თავდასხმის შემდეგ მუშაობა შეაჩერა

Reuters-ის ცნობით, მოსკოვის ნავთობგადასამუშავებელმა ქარხანამ უკრაინული უპილოტო საფრენი აპარატის თავდასხმის შემდეგ საქმიანობა შეაჩერა. როგორც ირკვევა, იერიში ობიექტზე გასულ უქმეებზე განხორციელდა. ამ მოვლენამ საწარმოს მუშაობის დროებითი შეწყვეტა გამოიწვია.

როგორც გაირკვა, საწარმოს ხელახალი ამუშავებისთვის რამდენიმე დღე დასჭირდება.

ადგილობრივი ხელისუფლების განცხადებით, უპილოტო საფრენი აპარატი უშუალოდ საწარმოს მახლობლად ჩამოვარდა. მოსკოვის მერის განმარტებით, პირველადი მონაცემებით თავდასხმის შედეგად 12 ადამიანი დაშავდა. არსებული ინფორმაციით, დაზარალებულთა უმრავლესობას ქარხნის შესასვლელ ჭიშკართან მყოფი მშენებლები იყვნენ.

დედაქალაქის ხელმძღვანელობამ ხაზგასმით აღნიშნა, რომ საწარმოს ძირითადი ტექნოლოგიური ინფრასტრუქტურა დაზიანებას გადაურჩა. საყურადღებოა, რომ კომპანია Gazpromneft-ში მომხდართან დაკავშირებით კომენტარის გაკეთებაზე უარი განაცხადეს.

ცნობისთვის, დასახელებული ობიექტი მოსკოვის სამხრეთ-აღმოსავლეთ ნაწილში მდებარეობს და რუსეთის დედაქალაქს საწვავით ამარაგებს. 2024 წელს ქარხანამ 11.6 მილიონი ტონა ნედლი ნავთობი მიიღო, რის შედეგადაც 2.9 მილიონი ტონა ბენზინი, 3.2 მილიონი ტონა დიზელი და 1.3 მილიონი ტონა ბიტუმი აწარმოვა.