მტკვრის მარჯვენა სანაპიროზე, საგზაო სამუშაოების გამო, ტრანსპორტის მოძრაობა დროებით შეიზღუდება - მერია

თბილისის მერიის ინფორმაციით, მტკვრის მარჯვენა სანაპიროზე, საგზაო-სარემონტო სამუშაოების გამო, ავტოტრანსპორტის მოძრაობა დროებით შეიზღუდება.კერძოდ, შპს „თბილსერვის ჯგუფის“ სანიაღვრე და სადრენაჟე ქსელების ექსპლუატაციის დეპარტამენტი, 15 ნოემბერს, 00:00 საათიდან 06:00 საათამდე პერიოდში, მთაწმინდის რაიონში საგზაო-სარემონტო სამუშაოებს ჩაატარებს.

სამუშაოების შესასრულებლად, მტკვრის მარჯვენა სანაპიროზე, ყოფილ რესტორან „არაგვის“ მიმდებარედ, იუსტიციის სახლის მიმართულებით, გზის სავალ ნაწილზე მოძრაობა სრულად შეიზღუდება.მოძრაობის ალტერნატიული მარშრუტი ასეთია:•​ შეზღუდვა იმოქმედებს ე.წ. ჩანჩქერთან (არმისული თამარ მეფის ხიდამდე).•​ საავტომობილო მოძრაობა დაიშვება ალტერნატიული მარშრუტით - თამარ მეფის პანდუსის გავლით.

"სამუშაოების არეალი სრულად იქნება აღჭურვილი შესაბამისი საგზაო-გამაფრთხილებელი ნიშნებით. თბილისის მერია და შპს „თბილსერვის ჯგუფი“ ბოდიშს გიხდით შექმნილი დროებითი დისკომფორტის გამო!",- აღნიშნულია გავრცელებულ ინფორმაციაში.