ნავთობის ფასი 7%-ით დაეცა
BM.GE|bm.ge
ენერგეტიკულ ბირჟებზე ნავთობის ფასი ბოლო ორ კვირაში ყველაზე დაბალ ნიშნულამდე შემცირდა, რაც ვაშინგტონსა და თეირანს შორის სამშვიდობო შეთანხმების მიღწევის მოლოდინით არის განპირობებული.
Brent-ის მარკის ნავთობის ფიუჩერსების ღირებულება 7%-ით შემცირდა და ბარელზე $96 შეადგინა.
პარალელურად, ამერიკული WTI-ის მარკის ნავთობის ფასი 7.3%-ით შემცირდა და ბარელზე $90-ს გაუტოლდა.
რაც შეეხება მოლაპარაკებების პროცესს, პრეზიდენტმა დონალდ ტრამპმა განაცხადა, რომ მხარეებს შორის სამშვიდობო შეთანხმების მიღწევისა და ჰორმუზის სრუტის გახსნის თაობაზე ძირითადი გაგება დიდწილად მიღწეულია და ჰორმუზის სრუტე მალე, ეტაპობრივად გაიხსნება.
გაზიარება:
BM.GE
წყარო: bm.ge