ნავთობისა და გაზის კორპორაცია ₾38 მილიონად 67 კმ მილებს და მასალებს ყიდულობს

საქართველოს ნავთობისა და გაზის კორპორაციამ მაგისტრალური გაზსადენის მშენებლობა/რეაბილიტაციისთვის ტენდერი გამოაცხადა, რომლის ღირებულება 38 მილიონ ლარს შეადგენს, რომლითაც კომპანია 67.6 კილომეტრ მილსადენს ყიდულობს.

შესასყიდი მილების სპეციფიკაციებია 1,200 მილიმეტრი, 1000 მილიმეტრი, 900 მილიმეტრი, 700, 300, 200, 150 და 100 მილიმეტრი. მათ შორის ყველაზე მეტი - 37.7 კილომეტრი 700 მილიმეტრის მილსადენის შესყიდვა მოხდება.

კომპანიებს წინადადებების წარდგენა 8 ივნისამდე შეეძლებათ.

ეს წარმოადგენს განმეორებით ტენდერს, რადგან პირველი ტენდერი რომელიც მარტში იყო გამოცხადებული უარყოფითი შედეგით დასრულდა, რადგან ტენდერის ერთადერთმა პრეტედენტმა GERAB NATIONAL ENTERPRISES-მა წარადგინა დოკუმენტაცია, რომელიც GOGC-ის შეფასებით სატენდერო აღწერას არ შეესაბამებოდა, ამიტომაც კომპანიამ მისი ხელახლა გამოცხადების გადაწყვეტილება მიიღო.