Nvidia-მ ჩინეთის ბაზარი Huawei-ს დაუთმო

ტექნოლოგიური ინდუსტრიის გიგანტის, კომპანია Nvidia-ს დამფუძნებელმა და გენერალურმა დირექტორმა, ჯენსენ ჰუანგმა განაცხადა, რომ აშშ-ის საექსპორტო შეზღუდვების ფონზე, კომპანიამ ჩინეთის ხელოვნური ინტელექტის ჩიპების ბაზარი აზიაში მის მთავარ კონკურენტს, Huawei-ს "პრაქტიკულად" დაუთმო.

მედიასთან ინტერვიუში ჰუანგმა აღნიშნა, რომ ჩინეთში AI ჩიპებზე გაზრდილი მოთხოვნის ფონზე, განსაკუთრებით კი მას შემდეგ, რაც ბაზრიდან Nvidia-ს გავიდა, ადგილობრივმა კომპანიებმა ეკოსისტემის განვითარება დამოუკიდებლადაც შეძლეს. მან გამორჩეულად გამოყო კომპანია Huawei, რომელსაც წელს რეკორდული შედეგები ჰქონდა. ჰუანგი მოელის, რომ მას კიდევ უფრო წარმატებული წლები ელოდება წინ.

ანალიტიკოსები ყურადღებას ამახვილებენ ფაქტზე, რომ ვაშინგტონის მიერ AI ჩიპების ექსპორტის გამკაცრებამ ნახევარგამტარების სფეროში თვითკმარობის მიღწევის სურვილი ადგილობრივ ბაზარზე კიდევ უფრო გაამძაფრა და ლოგიკური შედეგი მოიტანა. ეს ვითარება განსაკუთრებით საყურადღებოა იმ ფონზე, როცა წარსულში Nvidia მონაცემთა ცენტრებისთვის შექმნილი ჩიპებიდან შემოსავლის მეხუთედს ჩინეთიდან იღებდა და ბაზარზე უკონკურენტო ლიდერად მიიჩნეოდა.