ონის შესასვლელთან მეწყერი ჩამოწვა - ტრანსპორტის მოძრაობა აიკრძალა
ქუთაისი(ჭომა)-ალპანა-მამისონის უღელტეხილის გზის 110-ე კმ-ზე ქვის ცვენის გამო მოძრაობა დროებით აიკრძალა. საავტომობილო გზების დეპარტამენტის ინფორმაციით, მეწყრული პროცესი ქალაქ ონის შესასვლელთან განვითარდა.
მეწყერის ჩამოწოლის შესახებ "ქართული ოცნების" დელეგატი რაჭა-ლეჩხუმ-სვანეთის მხარეებიდან, გოჩა ენუქიძეც წერს. მისი ინფორმაციით, ადგილზე შესაბამისი სამსახურები მუშაობენ.
"ქალაქ ონის შესასვლელთან, მთის ფერდობზე განვითარებული მეწყრული პროცესის შედეგად, საავტომობილო გზის სავალი ნაწილი ჩაიკეტა, რის გამოც დროებით შეფერხებულია სატრანსპორტო მოძრაობა.
ადგილზე, შესაბამისი სამსახურების წარმომადგენლებთან ერთად იმყოფებიან ადგილობრივი ხელისუფლების წარმომადგენლები, ტარდება შესაბამისი ღონისძიებები.
მოგიწოდებთ, გაითვალისწინოთ შექმნილი მდგომარეობა, დაიცვათ უსაფრთხოების წესები.
მოძრაობის აღდგენის შესახებ დამატებით ინფორმაციას ეტაპობრივად მოგაწვდით", - წერს გოჩა ენუქიძე.
BM.GE
წყარო: bm.ge